Een diploméierten Erzéier (w/m/x) - Atelier Sous-Traitance zu Housen

D’APEMH, Associatioun am Déngscht vu Leit mat enger intellektueller Beanträchtegung an hir Familljen, sicht fir hiren Atelier Sous-Traitance zu Housen, een diploméierten Erzéier (w/m/x), fir een CDD (Dispens + congé maternité, an eventuell ee congé parental) - 40 Stonnen/Woch -  fir direkt oder no Ofsprooch.

Wann de Posten hei ënnendrënner Iech interesséiert, zéckt net eis Är vollstänneg Kandidatur eran ze schécken (Kopie vum Diplom, CV, Motivatiounsbréif ...).

Am Fall vun enger Astellung, gëtt een Extrait vum Casier judiciaire gefrot.

Responsabilitéiten

Begleedung an Ënnerstetzung souwuel an der Initialausbildung wéi och an der Weiderbildung vu Jugendlechen an Erwuessener mat enger intellektueller Beanträchtegung, déi an eisem Atelier schaffen; dëst an Zesummenaarbecht mam techneschen Fachpersonal. 

Obligatoresch Ufuerderungen

D’Kandidate sollen:

• am Besëtz vun engem zu Lëtzebuerg ausgestallten oder unerkannten Diplom sinn 

• Sënn vu Verantwortung hunn, fir en optimalen professionellen Encadrement vu Persounen mat enger intellektueller Beanträchtegung ze garantéieren

• iwwert Flexibilitéit, Motivatioun an Eegeninitiativ verfügen

• eegestänneg an organiséiert schaffen kënnen

• déi lëtzebuergesch, franséisch an däitsch Sprooch beherrschen 

• de Führerschäin Klass B hunn

Wënschenswäert Ufuerderungen

Beruffserfarung an der Aarbecht mat Persounen mat enger intellektueller Beanträchtegung ass vu Virdeel.

Mir bidden

• attraktiv, op dem CCT-SAS Kollektivvertrag baséierend Aarbechtsbedéngungen

• en op Vertrauen a Respekt berouend Aarbechtsëmfeld, mat dem Zil vun der Entwécklung an der konstanter Verbesserung vun der Qualitéit esouwuel vun eiser Aarbecht ewéi vun der Begleedung vun Persoune mat enger Beanträchtegung